Məzmun

Filmdəki hadisələr sovet hakimiyyətinin qurulduğu ilk illərdə - 1930-cu illərdə Azərbaycanın dağ kəndlərinin birində baş verir. Film iki nüsxədə müxtəlif sonluqlarla lentə alınıb. Belə ki, Azərbaycan nüsxəsində Qəmlo Kərbəlayi İsmayıl tərəfindən, ancaq rus nüsxəsində isə daima Yədullanın (Kərbəlayi İsmayılın ölən oğlunun) məzarının yanında gizlənən bir qaçağın əli ilə öldürülür. Hazırda hər iki nüsxə qorunub saxlanılır. Kənddə Raykom katibinin (Şəmsi Bədəlbəyli) apardığı yığın­caq­da kolxoz quruluşunun yaxşı-yaman cəhətlərinin müzakirəsi fərqli personajların baxış bucağının müxtəlifliyi, müddəaların tutar­lılı­ğı, mətnin dolğunluğu ilə həyata keçirməklə informasiya ger­çəkliyini artırır. Əlindən alınan taxılın şəhərdəki aclara gön­dərilməsinə etiraz edən Kərbəlayı İsmayılın (Adil İsgəndərov) yeni kolxozun sədri İmanla (Şahmar Ələkbərov) qarşıdurması vizual hadisələrin bolluğu ilə yadda qalır. Qəmlonun gecə evinin pəncərəsindən güllə ilə nişan aldığı İmanın arvadı Növrəstənin (Tamilla Rüstəmova) gözəlliyinə vurulması və sağ qalan sədrin səhər yenidən Kərbəlayı İsmayılın həyətindəki taxılın ardınca gəlməsi tutarlı maneə kimi yadda qalır. Folklor elementləri ilə zəngin kənd toyundakı qanlı döyüş səhnəsində Qəmlonun xatırlayaraq axtardığı İmanın arvadının qaçaraq aradan çıxması karnaval estetikası yaradır.

Yaradıcı heyət

Nadir Zeynalov

RƏSSAM

Rasim İsmayılov

OPERATOR

Fərman Kərimzadə

SSENARİ MÜƏLLİFİ

Arif Məlikov

BƏSTƏKAR

Baş rollarda

Həsən Məmmədov

ABBASQULU BƏY

Adil İsgəndərov

KƏRBƏLAYİ

Məlik Dadaşov

QƏMLO

Hamlet Xanızadə

TALIBOV

Həsənağa Turabov

XƏLİL

Rollarda

Şəmsi Bədəlbəyli

Tamilla Rüstəmova

Şahmar Ələkbərov

Əbdül Mahmudov

Sadıq Hüseynov

Elxan Qasımov

Janr

Rəsmi video

Sosial mediada paylaş