Qısa məlumat

Nağıyev Rauf Mehdi oğlu – 1940-cı ildə anadan olub. A. Zeynallı adına Bakı xüsusi ixtisaslı musiqi məktəbini (1962), M.Əliyev adına ADTİ (indiki ADMİU) bitirib (1967). 1969-cu ildə «Mosfilm» kinostudiyasında kinorejissorluq üzrə təkmilləşmə kursunu (rəhb. M.Romm və Ə.İbrahimov) keçmişdir. 1967-ci ildən «Azərbaycanfilm» kinostudiyasında çalışıb. Əvvəllər bədii filmlər üzrə rej. assistenti, II rejissor işləmiş, iki q/m bədii filmə - «Fantaziya» fotosu» (1970) və «Bədbəxtliyin astanasında» (1977) kinolentlərinə quruluş vermişdir. 1974-cü ildən sənədli filmlər kinorejissoru kimi fəaliyyət göstərib. «Səadət naminə» (1974), «Müqəddəs borc» (1974; II ÜKF-da I mükafat, Tbilisi, 1975), «Pambıq sovkası ilə mübarizə» (1974), «Mən fəhləyəm» (1975), «Maestro Niyazi» (1975), «Səmaya pilləkən» (1978), «Zirvəyə yol» (1980), «Ağ atlı oğlan haqqında nağıl» (1986), «Ağlar-güləyən» (1988), «Ölü zona» (1988; Resp. Dövlət mükafatı, 1990), «Uşaqlar ittiham edir» (1989), «Fövqəladə vəziyyət» (1990), «Qəsd» (1990) və b. sənədli filmlərin rejissoru olmuşdur. Əksər filmlərinin həm də ssenari müəllifidir. 1995-ci ildən Respublika Xüsusi təmayüllü İncəsənət Gimnaziyasında rejissorluqdan, 1998-ci ildən ADMİU-da kinodramaturgiyadan dərs deyib. Dövlət Mükafatı Laureatı rejissor Rauf Nağıyev 2021-ci ildə vəfat etmişdir.

Filmləri

Torpağın sahibi

Sənədli film

1976

Etibarlı əllər

Sənədli film

1973