Qısa məlumat

Muxtar Baba oğlu Dadaşov Bakıda anadan olub. 6 yaşında ikən Milli Dram Teatrında “Sevil” tamaşasında Gündüz rolunu oynayıb. Milli Dram Teatrında (1924-1929), Gənc Tamaşaçılar Teatrında (1929-1931) aktyor və rejissor assistenti kimi çalışıb. 1931-ci ildən Bakı kinostudiyasında təsvir rejissoru kimi fəaliyyətə başlayıb. 1933-cü ildə ali təsvir rejissoru təhsili almaq məqsədilə Moskvaya gedib. Orada da bir sıra filmlərin çəklişində iştirak edib. İkinci Dünya Müharibəsi illərində təsvir rejissoru kimi cəbhəyə yollanıb. “Azərbaycanfilm” kinostudiyasında Sənədli Filmlər Birliyinin bədii rəhbəri vəzifəsində çalışıb (1977-1983). Onun “Səadət yolu ilə” filmi Moskvada Ümumittifaq Festivalda qızıl medala, “Nəriman Nərimanov” filmi isə Tiflisdə xüsusi mükafata layiq görülüb. Kann Beynəlxalq Kino Festivalında mükafat qazanan ilk Azərbaycan rejissorudur. Onun “Sovet Azərbaycanı” filmi Kann Festivalında (1951) “ən yaxşı sənədli film” nominasiyasında xüsusi mükafata layiq görülüb. Muxtar Dadaşov Tacikistan istehsalı olan “Canlı ilah” (1934, rejissorlar Dmitri Vasilyev, Mixail Verner) filmində Əbdürəhim rolunda çəkilib. Dövlət mükafatı laureatı (1980), Əməkdar incəsənət xadimi (1960), Xalq artisti (1976) Muxtar Dadaşov 1998-ci ildə vəfat edib.

Filmləri

Qanun naminə

Tammetrajlı bədii film

1968

« Bütün cinayətkarlar öz cəzalarını alacaqlar. Biz onları mühakimə edəcəyik. »

Bakıda küləklər əsir

Tammetrajlı bədii film

1974

« Mən Bakını yandırıb, məşələ çevirməliyəm! »